LOCK SMM panelidan yoki @LockSMMbot dan foydalanishni davom ettirish orqali siz ushbu hujjatning barcha bandlariga rozilik bildirgan hisoblanasiz. Xarid qilishdan oldin to'liq o'qib chiqing — bu 8–10 daqiqa vaqtingizni oladi.
Keyinchalik «bilmagan edim», «o'qimagan edim» yoki «menga aytilmagan edi» kabi murojaatlar asos bo'lib xizmat qilmaydi. Qoidalar barcha foydalanuvchilar uchun bir xil amal qiladi.
@LockSMMbot ishlash tartibini yana bir bor eslatib o'tamiz!
Botni hech qachon bloklamang yoki o'chirib yubormang!
Siz botni bloklasangiz yoki o'chirib yuborsangiz, bot sizni ham bazadan tozalaydi va barcha pullaringiz kuyadi!
Bunday holatda admin javobgar emas va pullaringiz qaytarilmaydi!
Balans — bu hisobingizdagi so'mdagi mablag'. U faqat panel xizmatlarini xarid qilish uchun ishlatiladi va boshqa maqsadga o'tkazilmaydi.
To'lovni tasdiqlashdan oldin summani va to'lov ma'lumotlarini tekshiring. Noto'g'ri kiritilgan rekvizitlar bo'yicha mablag'ni qaytarish imkoni yo'q.
Bot balansiga muvaffaqiyatli tushgan mablag' hech qanday holatda qaytarib berilmaydi — naqd pulga ham, kartaga ham chiqarilmaydi.
To'lovni faqat hisob egasi o'zi amalga oshiradi. Uchinchi shaxs (do'st, qarindosh, tanish) orqali qilingan to'lovlar bo'yicha murojaatlar ko'rib chiqilmaydi.
Mablag' balansga tushmasa, chek yoki tranzaksiya raqami bilan 24 soat ichida qo'llab-quvvatlash xizmatiga yozing. Bu muddatdan keyingi murojaatlar qabul qilinmaydi.
Rasmiy to'lov usullari: Click, Payme, Uzum Bank, Paynet, karta o'tkazmasi va Boshqa turdagi. Boshqa manbadan kelgan «arzon balans» takliflari firibgarlik hisoblanadi.
Balansni to'ldirish — bu ushbu Qoidalar, Shartlar va Ommaviy ofertaga to'liq rozilik hamda to'lovga ishlatilgan mablag' qonuniy yo'l bilan topilgani va faqat sizga tegishli ekanini tasdiqlash demakdir. Har bir to'lovni amalga oshirish bilan siz mablag' manbai uchun barcha javobgarlikni o'z zimmangizga olasiz.
Noqonuniy yo'l bilan olingan mablag' (o'g'irlangan, firibgarlik, pul yuvish yoki boshqa jinoiy manbadan kelgan pul) bilan to'lov qilinsa, bu uchun jinoiy, ma'muriy, fuqarolik va moliyaviy javobgarlik to'liq to'lovni amalga oshirgan shaxsga yuklanadi. Ma'muriyat mablag' manbaini tekshirish imkoniga ega emas va bunday to'lovlar uchun hech qanday javobgarlikni o'z zimmasiga olmaydi; bank, to'lov tashkiloti yoki vakolatli organlar so'rovi bo'yicha to'lov ma'lumotlarini taqdim etish, shubhali mablag'ni muzlatish va hisobni bloklash huquqini saqlab qoladi.
Chekni saqlab qo'ying. To'lov tekshiruvida undan boshqa dalil qabul qilinmaydi.
Siz tasdiqlaysiz. Balansni to'ldirish uchun to'lovni amalga oshirish bilan siz quyidagini tasdiqlagan hisoblanasiz: «Men balansni faqat qonuniy yo'l bilan topilgan, o'zimga tegishli mablag' bilan to'ldiryapman. Mablag' manbai va uning qonuniyligi uchun barcha javobgarlikni to'liq o'z zimmamga olaman. LOCK SMM ma'muriyati va xodimlariga bu borada hech qanday da'vo yoki javobgarlik yuklanmaydi.» Bu tasdiqsiz balansni to'ldirish mumkin emas.
Tizim buyurtmani siz kiritgan holatda qabul qiladi va darhol provayderga uzatadi. Yuborilgandan keyin uni tahrirlash imkoni yo'q.
Xarid qilishdan oldin xizmat tavsifini, tezligini va kafolat shartini to'liq o'qing. Har bir xizmatning o'z sharti bor.
Havola, username va miqdorni to'g'ri kiritganingizga ishonch hosil qiling. Noto'g'ri havolaga ketgan buyurtma bajarilgan hisoblanadi va mablag' qaytarilmaydi.
Xizmat tavsifida bekor qilish imkoniyati ko'rsatilmagan bo'lsa, buyurtmani bekor qilish yoki pulni qaytarish mumkin emas.
Bitta havolaga bir vaqtda bir nechta bir xil buyurtma bermang — natijalar aralashadi va kafolat bekor bo'ladi.
Buyurtma jarayonida profil yopiq qilinsa, post o'chirilsa yoki username o'zgartirilsa, xizmat to'xtaydi va tiklanmaydi.
Qisman bajarilgan buyurtmada bajarilmagan qismning summasi avtomatik balansga qaytariladi.
Referal dasturi haqiqiy foydalanuvchilarni taklif qilish uchun mo'ljallangan. Sun'iy usullar aniqlanganda bonus bekor qilinadi.
Soxta akkauntlar orqali referal yig'ish taqiqlanadi.
Qalbaki reklama, yolg'on va'da yoki aldamchi usullar bilan foydalanuvchi jalb qilish mumkin emas.
O'z-o'zini referal qilish va bitta qurilmadan bir nechta hisob ochish taqiqlanadi.
Aldash urinishi aniqlansa, hisob ogohlantirishsiz bloklanadi va yig'ilgan referal balansi bekor qilinadi.
Panel va bot avtomatik ishlaydi. Tizimga sun'iy yuk berish yoki xatolardan foyda olishga urinish qat'iy taqiqlanadi.
Botdagi texnik xato yoki kamchilikdan shaxsiy manfaat uchun foydalanishga urinish qat'iyan taqiqlanadi.
Bunday holat aniqlansa, hisob doimiy bloklanadi va balansdagi mablag' qaytarilmaydi.
Topilgan xatoni qo'llab-quvvatlash xizmatiga xabar qilgan foydalanuvchi, aksincha, rag'batlantiriladi.
Botni bloklash yoki chatni o'chirish tavsiya etilmaydi — ayrim xizmatlar va bildirishnomalar ishlamay qolishi mumkin.
API kaliti hisobingizga to'liq kirish beradi. Uni hech kimga bermang; oshkor bo'lgan kalit uchun javobgarlik foydalanuvchi zimmasida.
Avtomatik so'rovlar bilan panelga ortiqcha yuk berish (flood, skript hujumi) taqiqlanadi va IP darajasida cheklanadi.
Har bir murojaat navbat bo'yicha ko'rib chiqiladi. Muloqot ohangi javob tezligiga ta'sir qilmaydi, lekin qoidabuzarlik banga olib keladi.
Qo'llab-quvvatlash xizmatiga hurmat bilan murojaat qiling va muammoni aniq yozing: buyurtma raqami, sana, skrinshot.
Haqorat, tahdid, yolg'on yoki chalg'ituvchi ma'lumot yuborgan foydalanuvchi ogohlantirishsiz doimiy banlanadi.
Admin buyurtma yoki to'lov bo'yicha qo'shimcha ma'lumot (chek, skrinshot, tranzaksiya raqami) so'rash huquqiga ega.
Hech bir xodim sizdan parol, SMS kod yoki ikki bosqichli tasdiq kodini so'ramaydi. So'ralsa — bu firibgar, darhol xabar bering.
Rasmiy hisoblar ro'yxati «Murojaat» bo'limida. Undan tashqari hech kim LOCK SMM nomidan gapirmaydi.
Ushbu hujjat LOCK SMM ma'muriyati va foydalanuvchi o'rtasidagi ommaviy oferta hisoblanadi.
Botga /start yuborish, balansni to'ldirish yoki buyurtma berish — shartlarga to'liq rozilik demakdir.
Shartlarga rozi bo'lmagan holda xizmatdan foydalanish mumkin emas.
Hujjat panel (locksmm.com), Telegram bot va API orqali berilgan barcha buyurtmalarga birdek tatbiq etiladi.
Xizmatdan 18 yoshdan kichik shaxslar faqat qonuniy vakili roziligi bilan foydalanishi mumkin.
Balansni to'ldirish bilan foydalanuvchi to'lov mablag'i qonuniy manbadan ekanini va unga tegishli ekanini tasdiqlaydi hamda mablag' manbai uchun to'liq javobgarlikni o'z zimmasiga oladi (5-shart, Oferta 6.12-band).
Quyidagi atamalar hujjat bo'ylab bir xil ma'noda ishlatiladi.
Panel — locksmm.com sayti va unga bog'liq API v2.
Bot — Telegramdagi @LockSMMbot rasmiy hisobi.
Xizmat — katalogdagi har bir alohida band, o'z ID raqami, narxi va tavsifi bilan.
Buyurtma — foydalanuvchi yuborgan va tizim qabul qilgan so'rov.
Kafolat (refill) — xizmat tavsifida ko'rsatilgan muddat ichida kamayishni tiklash majburiyati.
Provayder — buyurtmani texnik jihatdan bajaruvchi tashqi manba.
Virtual raqamlar tashqi operatorlar bazasidan beriladi va ular ustidan nazorat ma'muriyatga tegishli emas.
Virtual raqamlar kafolatsiz xizmat hisoblanadi.
Telegram yoki boshqa platforma tomonidan qo'yilgan spam, blok yoki cheklov uchun ma'muriyat javobgar emas.
Kod kelmagan holatda mablag' faqat tizim avtomatik bekor qilishni tasdiqlagan taqdirda qaytariladi.
Raqam vaqtinchalik. U orqali ochilgan hisobning uzoq muddat saqlanishi kafolatlanmaydi.
Virtual raqam xarid qilishingiz ushbu shartlarga rozilik hisoblanadi.
Kafolat — xizmat tavsifida yozilgan aniq majburiyat. Tavsifda yo'q narsa kafolatlanmaydi.
Kafolat faqat xizmat tavsifida ko'rsatilgan hajm va muddat doirasida amal qiladi.
Tavsifida kafolat ko'rsatilmagan xizmatlar kafolatsiz hisoblanadi.
Kafolat muddati buyurtma Bajarildi statusini olgan paytdan boshlanadi.
Kafolat quyidagi hollarda bekor bo'ladi: profil yopilgan, post o'chirilgan, username almashtirilgan yoki bir vaqtda boshqa panel xizmati ishlatilgan.
Refill so'rovi kafolat muddati ichida yuborilishi shart; muddat tugagach so'rov qabul qilinmaydi.
LOCK SMM vositachi platforma hisoblanadi: buyurtmalar tashqi provayderlar orqali bajariladi.
Telegram, Instagram, YouTube, TikTok va boshqa platformalarning siyosati yoki texnik o'zgarishi sabab yuzaga kelgan muammolar uchun ma'muriyat javobgar emas.
Ma'muriyatning maksimal javobgarligi shu buyurtma uchun to'langan summadan oshmaydi. Bilvosita zarar, boy berilgan foyda yoki obro' uchun tovon to'lanmaydi.
Foydalanuvchi o'z akkaunti va u orqali qilingan barcha harakatlar uchun to'liq javobgar.
Xizmatlardan foydalanish tegishli platformalarning o'z qoidalariga ta'sir qilishi mumkin — bu xavfni foydalanuvchi o'z zimmasiga oladi.
Fors-major holatlari (provayder ishdan chiqishi, tarmoq uzilishi, davlat cheklovlari) davomida xizmat vaqtincha to'xtashi mumkin.
Balansni to'ldirishda ishlatilgan mablag'ning qonuniyligi, kelib chiqishi va egaligi uchun javobgarlik to'liq foydalanuvchida. Noqonuniy (o'g'irlangan, firibgarlik yo'li bilan olingan, pul yuvish bilan bog'liq) mablag' bilan to'lov qilinganligi aniqlansa, barcha huquqiy oqibatlar — jinoiy, ma'muriy, fuqarolik javobgarligi, bank va vakolatli organlar talablari — to'lovchiga yuklanadi; ma'muriyat va LOCK SMM xodimlari bunday holatda javobgar emas. Ma'muriyat qonuniy so'rov bo'yicha to'lov ma'lumotlarini taqdim etish, shubhali mablag'ni muzlatish va hisobni bloklash huquqiga ega.
Buyurtma bajarilishi uchun zarur bo'lgan minimal ma'lumotdan boshqasi so'ralmaydi.
Hisobingizga kirish uchun parol, SMS kod yoki 2FA kodi hech qachon so'ralmaydi. Buyurtma uchun faqat ochiq havola kifoya.
Saqlanadigan ma'lumotlar: Telegram ID, username, balans harakati, buyurtmalar tarixi va API kaliti.
Ommaviy statistikada havola va mijoz ma'lumotlari ko'rsatilmaydi.
Ma'lumotlar uchinchi shaxsga sotilmaydi. Provayderga faqat buyurtmani bajarish uchun zarur qism (havola va miqdor) uzatiladi.
Foydalanuvchi hisobini o'chirishni so'rashi mumkin; bunda balansdagi mablag' qaytarilmaydi.
Bozor va provayder sharoiti o'zgarganda narx hamda shartlar yangilanadi.
Ma'muriyat narx, xizmat tavsifi, kafolat sharti va ushbu hujjatni istalgan vaqtda o'zgartirish huquqiga ega.
Muhim o'zgarishlar rasmiy kanalda e'lon qilinadi.
Texnik ishlar sabab ayrim xizmatlar vaqtincha to'xtatilishi mumkin.
Yangilangan hujjat shu sahifada e'lon qilingan paytdan kuchga kiradi. Eski buyurtmalarga ular berilgan paytdagi shartlar tatbiq etiladi.
Yangilanishlarni kuzatib borish uchun rasmiy kanalga obuna bo'ling.
Hujjatning yopiluvchi bandlari.
Barcha foydalanuvchilar uchun bir xil shartlar amal qiladi. Hech qanday istisno qilinmaydi.
Nizolar avval qo'llab-quvvatlash xizmati orqali muzokara yo'li bilan hal qilinadi.
Hujjatning biror bandi haqiqiy emas deb topilsa, qolgan bandlar kuchini saqlaydi.
Hujjat o'zbek tilida tuzilgan. Tarjimalar bilan ziddiyat yuzaga kelsa, o'zbekcha matn ustun hisoblanadi.
Maqsadimiz — barcha foydalanuvchilarga sifatli, tezkor va adolatli xizmat ko'rsatish.
Ushbu hujjat «LOCK SMM» MCHJ tomonidan jismoniy va (yoki) yuridik shaxslarga qaratilgan ommaviy oferta — ya'ni shartnoma tuzish taklifi hisoblanadi. U LOCK SMM tizimi xizmatlaridan foydalanish shartlarini belgilaydi.
Tizimdan foydalanish elektron shaklda xizmat ko'rsatish shartnomasi kuchga kirganini bildiradi. Oferta shartlariga rozi bo'lmagan shaxs tizimdan foydalanishni darhol to'xtatishi shart.
1.1. Ushbu hujjat Kompaniya tomonidan taqdim etiladigan ommaviy oferta bo'lib, tizim xizmatlaridan foydalanish tartibini belgilaydi.
1.2. Kompaniya — «LOCK SMM» MCHJ (STIR: 000 000 000, manzil: O'zbekiston Respublikasi, Toshkent sh.).
1.3. Tizim (Panel) — locksmm.com sayti, unga bog'liq API v2 va Telegram bot @LockSMMbot dan iborat axborot-texnologik platforma.
1.4. Foydalanuvchi — tizimda ro'yxatdan o'tgan va undan foydalanuvchi har qanday jismoniy yoki yuridik shaxs.
1.5. Xizmat — katalogdagi har bir alohida band; o'z ID raqami, narxi, tezligi va tavsifi bilan.
1.6. Buyurtma — Foydalanuvchi yuborgan va tizim qabul qilgan so'rov. Balans — hisobdagi so'mdagi mablag'.
1.7. Provayder — buyurtmani texnik jihatdan bajaruvchi tashqi manba.
1.8. Tizim xizmati haqi — Kompaniyaning platforma xizmati uchun oladigan komissiyasi; xizmat narxiga kiritilgan.
1.9. Kompaniya va Foydalanuvchi birgalikda «Tomonlar» deb yuritiladi.
2.1. Ofertani qabul qilish orqali Foydalanuvchi tizim xizmatlaridan foydalanishga, Kompaniya esa ularni ushbu oferta shartlariga muvofiq ko'rsatishga majburiyat oladi.
2.2. Kompaniya quyidagilarni ta'minlaydi: ijtimoiy tarmoq xizmatlarining yagona katalogi; buyurtmalarni qabul qilish, provayderlarga uzatish va holatini kuzatish infratuzilmasi; API v2 orqali avtomatlashtirish; to'lov tizimlari bilan texnik integratsiya.
2.3. Kompaniya xizmatning bevosita ijrochisi emas. Buyurtmalar tashqi provayderlar tomonidan bajariladi; Kompaniya axborot-texnologik platforma vazifasini bajaradi.
2.4. Kompaniya Instagram, Telegram, YouTube, TikTok va boshqa platformalar bilan hamkorlik yoki vakillik munosabatida emas hamda ular nomidan ish yuritmaydi.
3.1. Tizim internet orqali ishlaydi va asosan O'zbekiston Respublikasi hududida xizmat ko'rsatadi.
3.2. Barcha hisob-kitoblar O'zbekiston Respublikasining milliy valyutasi — so'mda amalga oshiriladi.
3.3. O'zbekistondan tashqarida foydalanayotgan shaxs o'z yurisdiksiyasi qonunchiligiga rioya qilish uchun mustaqil javobgar.
3.4. Kompaniya texnik yoki tashkiliy sabablarga ko'ra ayrim hududlarda xizmatni cheklash yoxud vaqtincha to'xtatish huquqiga ega. Bunday hollarda imkon qadar oldindan xabar beriladi.
4.1. Oddiy foydalanuvchi — bot yoki panel orqali o'zi uchun buyurtma beradi.
4.2. API mijozi (reseller) — API kaliti orqali o'z mijozlariga xizmat ko'rsatadi. Kalitning maxfiyligi va u orqali qilingan barcha harakatlar uchun to'liq javobgar.
4.3. Kompaniya reseller va uning o'z mijozlari o'rtasidagi munosabatlarga aralashmaydi hamda ular oldida javobgarlik olmaydi.
4.4. Referal hamkor — taklif havolasi orqali yangi foydalanuvchi jalb qiladi. Soxta hisob va aldamchi reklama taqiqlanadi.
4.5. 18 yoshdan kichik shaxslar tizimdan faqat qonuniy vakili roziligi bilan foydalanishi mumkin.
4.6. Bir shaxsga bitta hisob. Bir qurilmadan bir nechta hisob ochish aniqlansa, hisoblar bloklanadi.
5.1. Barcha narxlar so'mda ko'rsatiladi va katalogda ochiq e'lon qilinadi.
5.2. Har bir xizmat narxi, qoida tariqasida, 1000 birlik uchun belgilanadi. Minimal va maksimal miqdor xizmat tavsifida ko'rsatiladi.
5.3. Buyurtma qiymati u yuborilgan paytdagi katalog narxi bo'yicha hisoblanadi.
5.4. Xizmat narxiga provayder qiymati va Kompaniyaning tizim xizmati haqi kiritilgan. Komissiya alohida undirilmaydi.
5.5. Provayder tariflari yoki valyuta kursi o'zgarganda Kompaniya narxni oldindan ogohlantirmasdan o'zgartirishi mumkin. Allaqachon yuborilgan buyurtmalarga eski narx qo'llaniladi.
5.6. Aksiya, chegirma yoki vaqtinchalik imtiyozli tarif joriy etilishi mumkin; bu haqda rasmiy kanalda e'lon qilinadi.
5.7. Qonunchilikda soliqlar yoki majburiy to'lovlar bo'yicha maxsus tartib belgilansa, Tomonlar shu talablarga muvofiq ish yuritadi.
6.1. To'lov usullari: Click, Payme, karta o'tkazmasi va Boshqa turdagi. Ro'yxat texnik yoki tijorat sabablariga ko'ra o'zgarishi mumkin.
6.2. To'lov faqat oldindan — balansni to'ldirish orqali amalga oshiriladi. Qarzga xizmat ko'rsatilmaydi.
6.3. Balansga tushgan mablag' naqd pulga yoki kartaga qaytarilmaydi; u faqat katalog xizmatlarini xarid qilishga sarflanadi.
6.4. Buyurtma qisman bajarilsa, bajarilmagan qism summasi avtomatik balansga qaytariladi.
6.5. Tizim buyurtmani qabul qila olmasa yoki provayder uni bekor qilsa, summa to'liq balansga qaytariladi.
6.6. Foydalanuvchi noto'g'ri havola, username yoki miqdor kiritgan hollarda mablag' qaytarilmaydi.
6.7. To'lov xavfsizligi. To'lovlar banklar va to'lov tashkilotlarining himoyalangan infratuzilmasi orqali qayta ishlanadi. Karta ma'lumotlari bevosita to'lov tashkiloti tomonidan qayta ishlanadi — tizim ularni saqlamaydi va ularga to'liq kirish huquqiga ega emas. Qo'shimcha tasdiqlash uchun 3D Secure texnologiyasi qo'llanilishi mumkin.
6.8. Firibgarlikning oldini olish uchun quyidagi choralar qo'llaniladi: shubhali operatsiyalarni avtomatik aniqlash va vaqtincha bloklash; bir kartadan takroriy urinishlarni cheklash; faollik monitoringi va zarur hollarda qo'shimcha tekshiruv.
6.9. Foydalanuvchi o'z to'lov vositalari xavfsizligini mustaqil ta'minlaydi: karta ma'lumotini uchinchi shaxsga bermaslik, SMS va 3DS kodlarini oshkor qilmaslik, faqat ishonchli qurilma va tarmoqdan to'lov qilish.
6.10. Karta ruxsatsiz ishlatilgani gumon qilinsa, Foydalanuvchi zudlik bilan o'z bankiga va to'lov tashkilotiga murojaat qilishi shart.
6.11. Firibgarlik alomatlari aniqlanganda Kompaniya Foydalanuvchi operatsiyalarini vaqtincha cheklash yoki to'xtatib turish huquqiga ega.
6.12. Mablag' manbai. Balansni to'ldirish orqali Foydalanuvchi to'lovga ishlatilgan mablag' qonuniy manbadan ekanini, unga tegishli ekanini hamda jinoiy faoliyatdan olingan daromadlarni legallashtirish (pul yuvish) yoki boshqa noqonuniy faoliyat bilan bog'liq emasligini kafolatlaydi. Mablag'ning kelib chiqishi uchun barcha javobgarlik — jinoiy, ma'muriy, fuqarolik va moliyaviy — faqat Foydalanuvchiga yuklanadi. Kompaniya mablag' manbaini tekshirish majburiyatiga ega emas va bunday to'lovlar oqibatlari uchun javobgar emas; qonuniy so'rov bo'yicha to'lov ma'lumotlarini vakolatli organlar va to'lov tashkilotlariga taqdim etish, shubhali mablag'ni muzlatish hamda hisobni bloklash huquqiga ega.
7.1. Ushbu oferta ommaviy hisoblanadi va belgilangan tartibda qabul qilingan paytdan tuzilgan shartnoma sifatida kuchga kiradi.
7.2. Quyidagi harakatlardan biri aksept hisoblanadi: botga /start yuborish va ro'yxatdan o'tish; panelda hisob yaratish yoki API kalitini olish; balansni to'ldirish; buyurtma berish.
7.3. Aksept paytidan Foydalanuvchi ushbu oferta, Qoidalar, Shartlar va Maxfiylik siyosati bilan tanishganini hamda ularga to'liq rozi ekanini tasdiqlaydi.
7.4. Shartlarga rozi bo'lmagan shaxs bot va paneldan foydalanishni darhol to'xtatishi shart.
7.5. Har bir balans to'ldirish alohida aksept hisoblanadi: to'lovni amalga oshirish bilan Foydalanuvchi 6.12-bandda ko'rsatilgan kafolatni beradi, Qoidalar va Shartlarga roziligini qayta tasdiqlaydi hamda mablag' manbai uchun to'liq javobgarlikni o'z zimmasiga olganini tan oladi.
8.1. Kompaniya majburiyatlari
Oferta shartlariga muvofiq tizim xizmatini ko'rsatish va texnik imkoniyat doirasida barqaror ishlashni ta'minlashga intilish.
Shaxsiy ma'lumotlarni Maxfiylik siyosati va amaldagi qonunchilikka muvofiq qayta ishlash.
Texnik nosozlik aniqlanganda uni bartaraf etish bo'yicha zarur choralarni ko'rish.
8.2. Kompaniya huquqlari
Xizmat sifati va xavfsizligini yaxshilash maqsadida interfeys, funksiya, tarif va ayrim shartlarni o'zgartirish.
Oferta, Qoidalar yoki qonun talablari qo'pol buzilganda tizimga kirishni cheklash yoxud to'xtatish.
Texnik zaruriyat tug'ilganda ayrim bo'limlarni vaqtincha yopish yoki funksionalni cheklash.
8.3. Foydalanuvchi majburiyatlari
Buyurtmada to'g'ri va aniq havola, username hamda miqdor ko'rsatish.
API kalitini maxfiy saqlash va uni uchinchi shaxsga oshkor qilmaslik.
Tizimga sun'iy yuk bermaslik, xatoliklardan foyda olishga urinmaslik, xizmatdan qonunga zid maqsadda foydalanmaslik.
Balansni faqat qonuniy yo'l bilan topilgan, o'ziga tegishli mablag' bilan to'ldirish; mablag' manbai uchun to'liq javobgarlikni o'z zimmasiga olish (6.12-band).
Qo'llab-quvvatlash xizmati bilan hurmat doirasida muloqot qilish.
8.4. Foydalanuvchi huquqlari
Katalogdagi xizmatlardan foydalanish va buyurtma holatini kuzatib borish.
Kafolat muddati doirasida tiklash (refill) so'rovini yuborish.
Murojaat, shikoyat va taklif yuborish hamda hisobini o'chirishni so'rash.
9.1. Tomonlar oferta shartlarini buzganlik uchun amaldagi qonunchilikka muvofiq javobgar bo'ladi.
9.2. Kompaniya faqat o'z majburiyatlarini lozim darajada bajarmaslik natijasida yetkazilgan real zarar uchun javob beradi. Boy berilgan foyda qoplanmaydi.
9.3. Kompaniyaning maksimal javobgarligi tegishli buyurtma uchun to'langan summadan oshmaydi.
9.4. Kompaniya quyidagilar uchun javobgar emas: ijtimoiy tarmoqlar siyosati, algoritmi yoki texnik o'zgarishi; platforma tomonidan foydalanuvchi akkauntiga qo'yilgan cheklov, blok yoki o'chirish; provayder bazasidagi o'zgarishlar sabab natijaning kamayishi; noto'g'ri kiritilgan havola oqibatlari.
9.5. Tizim ishidagi uzilishlar: provayder, internet-provayder yoki hosting nosozligi; server va uskuna nosozligi; DDoS va boshqa kiberhujumlar; favqulodda texnik ishlar. Bunday hollarda Kompaniya tiklash choralarini ko'radi, biroq bilvosita zarar, ma'lumot yo'qolishi yoki kechikish uchun javobgarlik olmaydi.
9.6. Fors-major holatlari: tabiiy ofat; urush, harbiy harakatlar, terrorizm, ommaviy tartibsizlik; epidemiya, pandemiya va karantin cheklovlari; davlat organlari qarorlari; aloqa, elektr ta'minoti va transport infratuzilmasidagi yirik avariyalar.
9.7. Fors-major yuz bergan Tomon imkon qadar ikkinchi Tomonni xabardor qiladi va oqibatlarni kamaytirish choralarini ko'radi.
9.8. Xizmatlardan foydalanish tegishli ijtimoiy tarmoqlarning o'z qoidalariga ta'sir qilishi mumkin. Bu xavfni Foydalanuvchi o'z zimmasiga oladi.
9.9. Kompaniya Foydalanuvchi balansni to'ldirishda ishlatgan mablag'ning kelib chiqishi, qonuniyligi va egaligi uchun javobgar emas. Noqonuniy manbadan olingan mablag' bilan to'lov qilinganligi aniqlansa, barcha huquqiy oqibatlar — shu jumladan uchinchi shaxslar, banklar, to'lov tashkilotlari va vakolatli davlat organlari oldidagi javobgarlik — to'liq Foydalanuvchiga yuklanadi; Kompaniya va uning xodimlari bunday holatda javobgarlikka tortilmaydi. Bunday to'lov tufayli Kompaniyaga yetkazilgan zarar (jarima, hisob blokirovkasi, komissiya va boshqa xarajatlar) Foydalanuvchi tomonidan qoplanadi.
10.1. Ushbu ofertadan kelib chiqadigan barcha nizolar avvalo muzokara va yozma murojaat yo'li bilan hal qilinadi.
10.2. Murojaat kanallari: elektron pochta support@locksmm.com; Telegram qo'llab-quvvatlash @lock_support.
10.3. Murojaatda ko'rsatish tavsiya etiladi: hisob ID yoki username, buyurtma raqami, sana, nizo mohiyati va tasdiqlovchi skrinshotlar.
10.4. Murojaatlar, qoida tariqasida, 30 (o'ttiz) kalendar kun ichida ko'rib chiqiladi va natija haqida Foydalanuvchiga xabar beriladi.
10.5. Sud oldi tartibida kelishuvga erishilmasa, nizo Kompaniya ro'yxatdan o'tgan joydagi vakolatli sudda ko'rib chiqiladi.
10.6. Ushbu ofertaga, uning tuzilishi, amal qilishi, talqini va bekor qilinishiga O'zbekiston Respublikasining amaldagi qonunchiligi qo'llaniladi.
11.1. Oferta Kompaniya tomonidan e'lon qilingan paytdan kuchga kiradi va Foydalanuvchi akseptidan boshlab shartnoma sifatida amal qiladi.
11.2. Kompaniya qonunchilik talablari va tizim rivojini hisobga olib oferta matnini o'zgartirish huquqiga ega. Yangilangan tahrir e'lon qilingan paytdan kuchga kiradi.
11.3. Yangi tahrir e'lon qilingandan keyin tizimdan foydalanishni davom ettirish, qoida tariqasida, unga rozilik hisoblanadi.
11.4. Ofertaning ayrim bandlari haqiqiy emas deb topilsa, bu qolgan bandlarning haqiqiy emasligini anglatmaydi — ular kuchini saqlaydi.
11.5. Oferta Qoidalar, Shartlar va Maxfiylik siyosati bilan birgalikda qo'llaniladi. Shaxsiy ma'lumotlarni qayta ishlash bo'yicha ziddiyat yuzaga kelsa, Foydalanuvchi huquqini ko'proq himoya qiladigan qoida ustun hisoblanadi.
11.6. Hujjat o'zbek tilida tuzilgan. Tarjimalar bilan ziddiyat bo'lsa, o'zbekcha matn ustun hisoblanadi.
Quyidagilar LOCK SMM ning yagona rasmiy hisoblari. Boshqa hech bir akkaunt biz nomimizdan gapirishga vakolatli emas.
Firibgarlikdan ehtiyot bo'ling. Hech bir xodim sizdan parol, SMS kod yoki hisobingizga kirish ma'lumotini so'ramaydi. «Chegirmali balans», «maxsus narx» yoki shaxsiy karta raqamiga to'lov taklif qilgan har qanday akkaunt — firibgar. Shubhali holatni yuqoridagi yordam xizmatiga xabar qiling.
Bot va panel 24/7 avtomatik ishlaydi — buyurtma tunda ham qabul qilinadi.
Jonli operator: har kuni 09:00 – 23:00 (UTC+5). Bu vaqtdan tashqari murojaatlar navbatga qo'yiladi.
Murojaat qilishda buyurtma raqami, sana va skrinshotni birga yuboring — javob bir necha barobar tezlashadi.
Ishlab chiquvchi paneli (DevTools) ochilgani aniqlandi. Xavfsizlik uchun sahifa mazmuni yashirildi. Davom etish uchun ishlab chiquvchi oynasini yoping.